NAARTOQQISSINNAALERNISSAT

Piareeruit

Ullumikkut naartunaveersaatit siullermimut sanilliullugu timimut sak-kukinnerusumik sunniuteqartarput, atorunnaarukkillu naar-tulersinnaaninnut sunniuteqartussaajunnaarlugit nalinginnaasumik ilusilersugaasarput. Aamma naartunaveersaatit hormonitallit, soorlu spirali hormonimik akulik sivisuumik atortagaq atorunnaarukku naar-tusinnaaqqilersinnaassaatit, naartunaveersaatit taakku atorunnaarukkit hormornit timit qimapallassagamikku.

Qaqugu naartulerusuppit?

Siunissamut naartunissat eqqarsaatigineri naartunaveersaammik aala-jangernermut tunngavilersuutit ilagisarpaat. Aaku isumaliutersuutissat ilaat.

Ukiup ataatsip iluani

Ukiup ataatsip iluani sinnilaarluguluunniit naartulerusukkuit, naartu-naveersaammik sivisuumik atortakkamik toqqaassanngilatit. Spiralip peerneranit ingerlaannangajak naartulersinnaagaluarlutit, assersuutiga-lugu, naartunaveersaatit sivikitsumik atortartut soorlu usuup puua, pessary, imaluunniit atussallugit ilinnut ajornannginnerujussuussapput.

Ukiut 3-6-it qaangiuppata

Arnarpassuit ukiualunnguit qaangiuppata naartulerusuttarput. Atoqateqalernerit tamaasa naartunaveersaammik atuinissaq, imaluun-niit ullut tamaasa iisartakkanik naartunaveersaatinik atuinissaq ilinnut akornutaanngippat, naartunaveersaatit sivikinnerusumik atuuttartut ilinnut ajornavianngillat. Sivisuumik atorsinnaasumik peqarusunneru-guit, spirali hormonimik akulik ukiuni 3-6-ini atuuttarpoq, imaassin-naavorlu ilinnut tulluartuusoq. P-kapuummik qaammatini pingasuni atuuttumik kapitittarnitit unitsikkukkit, ukiup ataatsip tungaanut naar-tusinnaanerit uteqqinniarsinnavoq. Taamaattumik siunissami qanittumi arnanut naartulerusuttunut P-kapuut qaammatini pingasuni atuuttoq innersuussutigineqarneq ajorpoq.

Siunissami ungasissumi

Maannakkorpiaq meerartaarusunngilluinnaruit, naartunaveersaammillu sivisuumik atuuttartumik aalajangersimasumik iliuuseqarfigineqartu-artariaqanngitsumik peqarusunneruguit, implanon imaluunniit spirali hormonimik akulik ukiuni 3-5-ini atuuttartut toqqagassatsialassuupput. Spirali kanngussak suli sivisunerusumik atuuttarpoq – tassa ukiuni 5-8-ni. Naartulinngisaannarusullutit nalunngikkukku, imaluunniit meerartaaqqikkusunngikkuit, angummik imaluunniit arnamik kinguaassiorsinnaajunnaarsitsineq toqqagassaapput ataavartut allan-ngortinneqarsinnaanngitsullu.

P-piller, hormonspiral imaluunniit p-stav? Sorleq toqqassaviuk?

Naartunaveersaatit suut ilinnut tulluarnersut takuniarlugu apeqqutit tallimat akikkit.

APEQQUTIT AKIKKIT

NAARTUNAVEERSAATIT ALLAT

Siunissami naartusinnaaleqqikkusukkuit, naartunaveersaatit uku isu-maliutersuutigisinnaavatit

Spirali hormonimik akulik

Spirali hormonimik akulik plastikkiuvoq mikisoq T-tut isikkulik, ukiut 3-5-it tungaannut hormoninik gestageninik annikitsukkaarlugit aniatitsisartoq. Nakorsaatissanut allagartaqarluni pissarsiarineqartarpoq, nakorsamillu imaluunniit peqqissaasumit illissamut ikkunneqartarluni.

Periuseq takujuk

Spirali kanngussak

Spirali kanngussak plastikkiuvoq mikisoq T-tut isikkulik, kanngussammik allunaasartalik. Nakorsaatissanut allagartaqarluni tunniunneqartarpoq, kiisalu nakorsamit imaluunniit peqqissaasumit illissamut ikkunneqartarpoq, ukiunilu 5-10-t tungaannut naartunaveersaataasarluni.

Periuseq takujuk

Implanon

Silikone mikisoq qitulleraartoq ukiuni 3-5-it tungaannut hormoninik aniatitsisartoq. Nakorsaatissanut allagartaqarluni tunniunneqartarpoq, assaqqup iluatungaanut nakorsamit imaluunniit peqqissaasumit ikkunneqartarpoq.

Periuseq takujuk

P-kapuut qaammatini pingasuni atuuttoq

Kapuut hormonimik/hormoninik akulik, nakorsaatissanut allagartaqarluni tunniunneqartartoq, qaammatillu tamaasa imaluunniit qaammatit pingasukkaarlugit nakorsamit imaluunniit peqqissaasumit isumagineqartartoq.

Periuseq takujuk

Naartunaveersaatit assersuutikkit

KALAALLIT NUNAANNI NAARTUNAVEERSAATIT AKEQANNGILLAT

- NAARTUNAVEERSAATIT ATORSIGIT IMMISSINNULLU PAARALUSI

Nalunngiliut usuup puuinik atugassannik akeqanngitsumik, piffissamik inniminneeqqaarnak napparsimavimmut aalliinnariaallutit?

Usuup puuata saniatigut naartunaveersaateqarnissat pitsaassaaq. Kalaallit Nunaanni iluanaarputit naartunaveersaatit assigiinngitsut akeqanngitsumik pisinnaagakkit, ilinnut tulluartut toqqarsinnaallugit.

P-pillit ullut tamaasa iisassaapput. Eqqaamasinnaaneq ajorukkit imaluunniit ullut tamaasa iisisarnissat aporfigigukku, naartunaveersaatit attartuut toqqarsinnaavatit, assersuutigalugu hormonspirali imaluunniit p-stavi. Hormonspirali ukiunit pingasunit ukiut arfinillit tungaannut atasarpoq, apeqqutaalluni sorleq atornerit.

Naartunaveersaatit pillugit peqqissaasumik oqaloqateqarit, paasisaqarfiginiassavatit. Atoqatigiinneq nuannernerpaasarpoq, atoqatigeereeraanni kinguaassiutitigut nappaatit imaluunniit naartunissaq eqqarsaatigisussaanagu.