ARNANUT USUUP PUUA
Nalinginnaasoq allannguuteqalaartoq.
ANGISSUSEQ ATAASEQ, TAMANUT NAAMMAGUTTOQ
Arnanut usuup puua usuup puua assigingajallugu atortarpoq – assigiinngissutaa annerpaaq tassaavoq, kiap atorneraa. Usuup pooq angutip usuanut tissarsimasumut atitinneqartartoq, arnanut usuup puua utsummut inissinneqartarpoq, tassani peersap illissap paavanut apuunnissaa pinaveersaartinniarlugu saattumik, polyuretan assiaqummik taninneqartumik pilersitsisarpoq. Usuup puua aamma kinguaassiutitigut nappaatinut illersuutaavoq, atuunnissaanullu hormoninik imaluunniit naartunaveersaatinik allanik atuinissaq pisariaqanngilaq.
Usuup puuisulli allatulli, atoqatigiilernerit tamaasa nutaamik atortoqartassaaq. Arnanut usuup puua matoqqasup tungaani ammalortortaqarpoq, utsuup iluani iluamik inissisimaneranik qulakkeerinnittumik. Usuup puua ikkunneqassaaq, ammalortoq qitumaartoq pussullugu usuup puua utsummut pulatillugu, soorlu tamponimik atisinermitut. Pulanissaa tamaat ajaguk – matoqqasortaata illissap paava assissavaa, ammasortaalu utsuup silataani centimeterialunnguit anillagassalluni. Atoqatigeereernermi ammasortaa mianersortumik tigujuk, matuniarlugu qipiuk anisoorlu kusertinnagu usuullu puua peerlugu. Taava igiinnassavat, tullissaanimullu nutaamik peqarnissat qulakkiiginnarlugu.
SUNNIUT NALINGINNAASUMIK ATUINEQ
Aaqarlunga arnanut usuup puua atorsinnaavara?
Arnanut usuup puua aaqarnerup nalaani atorneqarsinnaavoq.
Usuup puua arnanullu usuup puua ataatsikkut atorneqarsinnaappat?
Naamik. Usuup puut marluk ataatsikkut atorneqassanngillat. Usuup puuini taakkunani marlunni tagiunneq, putusoortitsisinnaavoq. Usuup puuanik ataatsimik atuineq (angutinut imaluunniit arnanut) tamanut illersuivoq. Ajunngilluinnartuussaaq tamatuma saniatigut immikkut isumannaatsuuniarluni naartunaveersaammik allamik atuisoqarpat.
Arnanut usuup puua atoqatigeereernermi atoqqinneqarsinnaava?
Naamik. Atoqatigiinnerit tamaasa usuup puua nutaaq atorneqartassaaq.
Sooruna arnanut usuup puua taama angitigisoq?
Arnanut usuup pooq usuup puutulli takissuseqarpoq, silinneruvorli, utsummut ikkunnerani sinaanik qalliisarami, taamaasilluni atoqatigiinnermi angutip usua puumi siumut utimullu uteqattaartinneqarsinnaammat.
Arnanut usuup puuanik atuinermi saniatigut sunniuteqarpa?
Arnanut usuup puuanut sapigaqarnermi qisuariarnerit qaqutigoortuupput, arnalli ilaasa annikitsumik iluaalliorneq misigisinnaavaat. Usuup puuata atunnginnerani allagartaa misissoruk, usuup puuata sananeqarnermi akuisa ilaanik sapigaqarnerlutit paasiniarlugu.
Arnanut usuup puua qanoq isikkoqarpa?
Arnanut usuup puua usuup puuanut assiguvoq, anginerullunili.
Arnanut usuup pooq qanoq atorneqartarpa?
Usuup puuata ammalortortaa peqinneqarsinnaasoq pussullugu peqiguk, usuullu puua tamponip ikkuttarneratut ikkuguk. Ilummut tamaarnissaa ajaguk – matoqqasortaata illissap paava asseqqassavaa, ammasortaalu utsuit silataanni centimeterialunnguit anillagassaaq.
SIUNNERSORNEQARNISSAQ PISARIAQARTIPPIUK?
Peqqissaanermik suliaqartoq oqaloqatigiuk
PAASISARIAQAKKATIT
1 - 3 millimeter
Illissap paava taama mikitigaaq, arnanut usuup puua timip iluani tammarsinnaanani.
25,8 millionit
2009-mi nunani tamalaani aningaasaliisartunilu naalagaaffinnut attuumassuteqanngitsut aqqutigalugit arnanut usuup puui tunniunneqartut..
Nul
Usuup puut assigalugit, arnanut usuup puui hormonitaqanngillat.
- Pisariaqartitsinermi atorneqartarpoq, kiisalu nammineq ikkullugulu peerneqartarluni.
- Milutsitsinermi atorneqarsinnaavoq.
- Hormoninik akoqanngilaq, arnanullu hormoninut atatillugu saniatigut kissaatiginngisanik sunnerneqartartunut periarfissaalluni.
- HIV/AIDS kinguaassiutitigullu nappaatinut allanut illersuutaavoq.
- Sunniutaa annertusarniarlugu tarngut peersamut toqoraataasoq ilanngullugu atorneqarsinnaavoq.
- Arnanut usuup puuata ikkunnissaata ilinniarneqarnissaa sungiunniagassaalaarsinnaavoq.
- Usuup puua iluamik inissinneqanngikkuni putusinnaavoq.
- Ilaat usuup puuinut lateximik sanaajusunut sapigaqarsinnaapput.
KALAALLIT NUNAANNI NAARTUNAVEERSAATIT AKEQANNGILLAT
- NAARTUNAVEERSAATIT ATORSIGIT IMMISSINNULLU PAARALUSI
Nalunngiliut usuup puuinik atugassannik akeqanngitsumik, piffissamik inniminneeqqaarnak napparsimavimmut aalliinnariaallutit?
Usuup puuata saniatigut naartunaveersaateqarnissat pitsaassaaq. Kalaallit Nunaanni iluanaarputit naartunaveersaatit assigiinngitsut akeqanngitsumik pisinnaagakkit, ilinnut tulluartut toqqarsinnaallugit.
P-pillit ullut tamaasa iisassaapput. Eqqaamasinnaaneq ajorukkit imaluunniit ullut tamaasa iisisarnissat aporfigigukku, naartunaveersaatit attartuut toqqarsinnaavatit, assersuutigalugu hormonspirali imaluunniit p-stavi. Hormonspirali ukiunit pingasunit ukiut arfinillit tungaannut atasarpoq, apeqqutaalluni sorleq atornerit.
Naartunaveersaatit pillugit peqqissaasumik oqaloqateqarit, paasisaqarfiginiassavatit. Atoqatigiinneq nuannernerpaasarpoq, atoqatigeereeraanni kinguaassiutitigut nappaatit imaluunniit naartunissaq eqqarsaatigisussaanagu.
