TIMINNI HORMONIT PAASISAQARFIGALUGIT

Hormonit pissusissamisoortut

Hormonit arnanut assigiinngitsumik sunniuteqartarput, tamattalu hor-moneqarpugut. Amerlanertigut timitsinnut sunniutaat toqqaannartumik malugineq ajorpagut, ilaatigulli malugisarpagut – pingaartumik inu-usuttunngulernermi kinguaassiutitigut hormonit annertunerusumik sananeqarneranni. Hormonit taakku, østrogenimik aamma gestagen-imik ilaqartut, aaqartarnitsinnut pilersitsisuullutillu sunniuteqartarput.

Hormonit aamma aaqartarneq

Aaqartarnerup kaaviiaarnera ullut 28-t missaanniittarpoq, tamanna timitsinni hormoninik pilersartunik naleqqussarneqartarpoq. Qanoq pisoqartarnera pillugu takussutissaq naatsoq aana.

Follitropin (FSH) aamma østrogeni

Aaqartarnerup kaaviiaarnerata aallartinnerani qaratsanni qinersup FSH hormoni pilersittarpaa, tamatuma pullartat (mannissanik inerinneqan-ngitsunik imaqartut) mannissaqarfinni ineriartortilersarpai. Pullartat taakku østrogenimik, hormoni illissavit ameraasartaanik is-sutsisitsisartumik aniatitsisarput.

Lutropin (LH)

Mannissaqarfinni mannissat ilaasa ineriartornerani, østrogenip anner-tussusaa qaffakkiartortarpoq. Qaffasissusaat naammatsippat, qaratsap ataani qinersip LH aniatittarpaa, tamanna mannissamik kaanngartitsisarpoq. Pullartaq qaassaaq, mannissarlu mannis-saqarfimmiik illissap paavanut ingerlaassalluni.

Progesteron

Pullartaq mannissaqarfimmi qaarnikoq taamaasilluni progesteronimik sanassaaq, illissap ameraasaa mannissamik kinguaassaqalersinne-qarsimasumik tigusisinnaanngorlugu. Mannissaq kinguaassaqal-ersinneqarsimanngippat, progesteronip annertussusaa appari-artussaaq, illissallu ameraasartaa aaqarnikkut aniatinneqartarpoq.

P-piller, hormonspiral imaluunniit p-stav? Sorleq toqqassaviuk?

Naartunaveersaatit suut ilinnut tulluarnersut takuniarlugu apeqqutit tallimat akikkit.

APEQQUTIT AKIKKIT

NAARTUNAVEERSAATIT

Naartunaveersaatit ilinnut inooriaatsinnullu tulluarsinnaasut pillugit uani paasisaqarnerugit:

Spirali hormonimik akulik

Spirali hormonimik akulik plastikkiuvoq mikisoq T-tut isikkulik, ukiut 3-5-it tungaannut hormoninik gestageninik annikitsukkaarlugit aniatitsisartoq. Nakorsaatissanut allagartaqarluni pissarsiarineqartarpoq, nakorsamillu imaluunniit peqqissaasumit illissamut ikkunneqartarluni.

Periuseq takujuk

Spirali kanngussak

Spirali kanngussak plastikkiuvoq mikisoq T-tut isikkulik, kanngussammik allunaasartalik. Nakorsaatissanut allagartaqarluni tunniunneqartarpoq, kiisalu nakorsamit imaluunniit peqqissaasumit illissamut ikkunneqartarpoq, ukiunilu 5-10-t tungaannut naartunaveersaataasarluni.

Periuseq takujuk

Implanon

Silikone mikisoq qitulleraartoq ukiuni 3-5-it tungaannut hormoninik aniatitsisartoq. Nakorsaatissanut allagartaqarluni tunniunneqartarpoq, assaqqup iluatungaanut nakorsamit imaluunniit peqqissaasumit ikkunneqartarpoq.

Periuseq takujuk

P-kapuut qaammatini pingasuni atuuttoq

Kapuut hormonimik/hormoninik akulik, nakorsaatissanut allagartaqarluni tunniunneqartartoq, qaammatillu tamaasa imaluunniit qaammatit pingasukkaarlugit nakorsamit imaluunniit peqqissaasumit isumagineqartartoq.

Periuseq takujuk

Naartunaveersaatit assersuutikkit

KALAALLIT NUNAANNI NAARTUNAVEERSAATIT AKEQANNGILLAT

- NAARTUNAVEERSAATIT ATORSIGIT IMMISSINNULLU PAARALUSI

Nalunngiliut usuup puuinik atugassannik akeqanngitsumik, piffissamik inniminneeqqaarnak napparsimavimmut aalliinnariaallutit?

Usuup puuata saniatigut naartunaveersaateqarnissat pitsaassaaq. Kalaallit Nunaanni iluanaarputit naartunaveersaatit assigiinngitsut akeqanngitsumik pisinnaagakkit, ilinnut tulluartut toqqarsinnaallugit.

P-pillit ullut tamaasa iisassaapput. Eqqaamasinnaaneq ajorukkit imaluunniit ullut tamaasa iisisarnissat aporfigigukku, naartunaveersaatit attartuut toqqarsinnaavatit, assersuutigalugu hormonspirali imaluunniit p-stavi. Hormonspirali ukiunit pingasunit ukiut arfinillit tungaannut atasarpoq, apeqqutaalluni sorleq atornerit.

Naartunaveersaatit pillugit peqqissaasumik oqaloqateqarit, paasisaqarfiginiassavatit. Atoqatigiinneq nuannernerpaasarpoq, atoqatigeereeraanni kinguaassiutitigut nappaatit imaluunniit naartunissaq eqqarsaatigisussaanagu.