IMPLANON
Naartunaveersaat ammip iluanut ikkuttagaq – sivisuumik atortartoq
SUNNIUTEQARLUARTOQ
Implanon naartunaveersaatitulli allatut hormonitalittut sunniuteqarluartigaaq. Plastikkiuvoq mikisoq qitulleraartoq, hormoninik (gestagen) timimut aniatitsiuaannartoq. Hormonip mannissat kaanngarnissaat pinaveersaartittarpaa, kiisalu illissap paavani aniasoq kinersisittarlugu, tamatuma peersap aalanissaa ajornarnerulersittarpaa.
Implanon naartunaveersaat ilinnut tulluartuunersoq aalajangerniarninni nakorsat oqaloqatigisariaqarpat. Implanonitaarnissat aalajangerukku, nakorsap ikkutissavaa. Ikkunneqarnerani, implanonip ammip iluanut assaqqup iluatungaanut ikkunnerani qerititsinerup anniarnissat peersinnaavai. Naammassippat, iliuuseqarpallaartariaqanngilatit eqqaamasassaqartariaqarnallu. Implanon ukiut 3-t tungaannut hormoninik aniatitsisarpoq, arnanullu naartunaveersaammik tatiginartumik sivisuumillu atasinnaasumik kissaateqartunut toqqagassaq pitsaasuulluni. Naartulerusullutit aalajangeruit, implanonip peernissaanut annikitsumik pilanneqarnissaq taamaallaat piumasaqaataavoq, sunniutaalu sukkasoorujussuarmik atorunnaartarpoq.
SUNNIUT NALINGINNAASUMIK ATUINEQ
Hormonit
Implanon naartunaveersaat timimut tamarmut gestagen-hormonimik aniatitsisarpoq.
Atornera
Implanon naartunaveersaat nakorsamit ikkunneqartarpoq, ukiullu 3-t tungaanut atortarluni.
Aaqartarnerit
Implanonip naartunaveersaatip aaqartarnerit nikerartilersinnaavai sakkukillisissinnaallugillu, kiisalu anniarnerit annikillisissinnaallugit.
Sooruna implanon naartunaveersaat ukiut 3-t qaangiuppata taarserneqartussaq?
Implanon hormonimik gestagenimik imaqarpoq, piffissami ukiut 3-t ingerlanerini, annikitsuarannguanik aniatitsisarpoq naartulersoornissaq pinaveersaartinniarlugu. Piffissaq taanna qaangiuppat taarsertariaqalissaaq, hormonit imarisat nungussimassammata.
Implanon naartunaveersaat malugineqarsinnaallunilu takuneqarsinnaava?
Implanon naartunaveersaat plastikkiuvoq, mikisoq peqikkuminartorlu, assaqqup iluatungaani ammip iluanut inissinneqartartoq. Implanonip inissinneqarfiani malugineqalaarsinnaassaaq.
Implanonimik naartunaveersaammik ikkussivigitinneq annernarpa?
Ikkussineq minutsialunnguani pisarpoq. Iluaalliornissat annikillisinniarlugu nakorsavit ikkuffissaa qeritissavaa. Arnat ilaat ikkussivigitereernermi tilluusertarput imaluunniit iluaalliortarlutik, qaangiuttarporli.
Annertuumik timersortaraanni implanon naartunaveersaat atorneqarsinnaava?
Sakkortuumik timersorsimagaluaraanniluunniit, qaqutigoortorujussuuvoq implantatip naartunaveersaatip nikissittarnera, soorlu tamanna sunniuteqassasoq paasissutissanik peqartoqanngitsoq. Arnanilli iluaagisaqartunik nalunaartoqartarnikuuvoq. Implanon naartunaveersaat malugisinnaanngikkukku, nikissimasorlu ilimagigukku, nakorsat attavigisariaqarpat, taassuma misissussavaa inissaminiinnersoq.
Meerartaarniarlungami aalajangeruma?
Implanon naartunaveersaat peerneqareerpat, arnaq arnatulli naartunaveersaammik atugaqarsimanngitsutulli sukkatigisumik naartulersinnaavoq.
Implanon naartunaveersaat qaqugukkut ikkunneqartariaqarpa?
Nakorsaq oqaloqatigereerukku, naartunngitsutillu qulakkeerneqareerpat, implanon naartunaveersaat aaqalernivit aallartiffianit ullut 7-it iluanni, imaluunniit naartuersereernermit ullut 7-it iluanni ikkunneqarsinnaavoq. Piffissami allami ikkunneqarpat, ulluni 7-ini siullerni naartunaveersaammik allamik hormonitaqanngitsumik atortariaqassaatit.
Implanon naartunaveersaat qanoq atortarpa?
Implanon naartunaveersaat plastikkiuvoq mikisoq, ammip ataanut inissinneqartartoq. Hormonimik gestagenimik timimut aniatitsisarpoq, taamaasillunilu naartulernissamik pinaveersaartitsisarluni. Ukiut 3 tungaannut ikkusimasinnaavoq.
Implanon atornerani naartulertoqarsinnaava?
Implanonip atornerani naartulernissamut aarlerinaat annikitsuararsuuvoq, ataatsimulli isigalugu implanonimik atuineq 99%-i sinnerlugu isumannaatsuuvoq.
SIUNNERSORNEQARNISSAQ PISARIAQARTIPPIUK?
Peqqissaanermik suliaqartoq oqaloqatigiuk
PAASISARIAQAKKATIT
1 - 2
Sulluliaqqat marluk hormoninik timimut aniatitsisut.
Minutsit 5-it
Ikkussinerup sivisussusaa.
Uiut 45-nit qummut
Ukiuni taakkunani uninngaannarsinnaavoq, aaqassaarnissap tungaanut imaluunniit naartunaveersaammik atuinissamik pisariaqartitsiunnaarnissap tungaanut.
- Ukiut 3-t tungaanut ikkusimasinnaavoq, kisianni qaqugukkulluunniit peerneqarsinnaalluuni.
- Akornuteqanngitsumik atoqatigiinnissamut periarfissiivoq.
- Arnanut hormonimik østrogenimik pitsaanngitsumik sunnerneqartartunut taarsiullugu atorneqarsinnaavoq.
- Arnat ilaasa misigisarpaat, aaqartarnertik sakkukillisoq.
- Milutsitsilluni atorneqarsinnaavoq, ernereernermi sapaatit akunneri 6-it qaangiunnerani.
- Ikkussineq peersinerlu nakorsamit suliarineqartarpoq.
- Ikkunneqareernerata kingorna nalinginnaasuuvoq, aaqartarnerit nikerarsinnaasut.
- Arnat ilaasa oqimaallineq kiisalu ivianginni naanilu anniarneq misigisarpaat.
- HIV/AIDS-imut imaluunniit kinguaassiutitigut nappaatinut allanut illersuutaanngilaq.
KALAALLIT NUNAANNI NAARTUNAVEERSAATIT AKEQANNGILLAT
- NAARTUNAVEERSAATIT ATORSIGIT IMMISSINNULLU PAARALUSI
Nalunngiliut usuup puuinik atugassannik akeqanngitsumik, piffissamik inniminneeqqaarnak napparsimavimmut aalliinnariaallutit?
Usuup puuata saniatigut naartunaveersaateqarnissat pitsaassaaq. Kalaallit Nunaanni iluanaarputit naartunaveersaatit assigiinngitsut akeqanngitsumik pisinnaagakkit, ilinnut tulluartut toqqarsinnaallugit.
P-pillit ullut tamaasa iisassaapput. Eqqaamasinnaaneq ajorukkit imaluunniit ullut tamaasa iisisarnissat aporfigigukku, naartunaveersaatit attartuut toqqarsinnaavatit, assersuutigalugu hormonspirali imaluunniit p-stavi. Hormonspirali ukiunit pingasunit ukiut arfinillit tungaannut atasarpoq, apeqqutaalluni sorleq atornerit.
Naartunaveersaatit pillugit peqqissaasumik oqaloqateqarit, paasisaqarfiginiassavatit. Atoqatigiinneq nuannernerpaasarpoq, atoqatigeereeraanni kinguaassiutitigut nappaatit imaluunniit naartunissaq eqqarsaatigisussaanagu.
