Portræt af ung kvinde med rødt hår. Blåt vand og klipper i baggrunden

ANNERNASSAVA? SPIRALIMIK HORMONIMIK AKULIMMIK IKKUSSIVIGITINNEQ ATUINERLU

Anniarnissamut ernumassutit nalinginnaasuupput, er-numasariaqanngilatilli

Spirali hormonimik akulik (IUS) naartunaveersaatit sivisuumik atasartut tatiginarnerpaat ilagaat. Ikkunneqareeruni, ukiut 3-6-it tun-gaannut ikkuteqqasinnaavoq. Tamanna isumaqarpoq iisartakkamik naartunaveersaammik ullormut iisisarnissat, P-nipittartumik sapaatip akunneranut taarsiisarnissat, imaluunniit qaammatikkaartumik P-kapuummik qaammatini pingasuni atuuttumik kapitinnissamut in-niminniisarnissat eqqaamasariaarutissavat. Atuineq ajornaatsun-nguugaluartoq, arnarpassuit spiralimik hormonimik akulimmik ikkus-sivigitinnissaq, ikkussivigitereernerullu kingorna qanoq naatsorsuute-qarsinnaanerlutik pillugit ernummateqartarput.

Suna naatsorsuutigissaviuk?

Spiralimik hormonimik akulimmik pitaassanerlutit nakorsaq imaluunniit peqqissaasoq oqaloqatigisariaqarpat, matumanili arnarpassuit naling-innaasumik ernummatigisartagaat pillugit eqqarsaatitit eqqissisarlugit paasissutississavatsigit.

Annernassava?

Arnat amerlanerpaat spiralimik hormonimik akulimmik ikkussivigitinneq ajornannginaartarpaat. Nakorsap imaluunniit peqqissaasup iluaalliornissaq annikillisarniarlugu nipaallisaatinik iisinissat siunnersuutigisinnaavaa, pisullu ilaanni illissap paava ilisimajunnaartitsissummik ilisimajunnaartissinnaallugu.

Ersiutinik misigisaqassaanga?

Ikkussereernermi, arnat ilaat anniarsinnaapput silaallu aalasinnaallutik. Taakku aaqarnermi qilusoornernut assersuunneqarsinnaapput, nipaallisaatinillu nalinginnaasunik iisinikkut annikillisinneqarsinnaallutik. Anniarneq qaangiutinngippat, nakorsaq oqaloqatigiuk. Spirali hormonimik akulik aamma piffissap ingerlanerani aaqartarneq annikillisissinnaavaa, aaqartarnitillu unitsilluinnarsinnaallugit.

Katassinnaava?

Nakorsap imaluunniit peqqissaasup qulakkiissavaa spirali hormonimik akulik iluamik inissinneqartoq kiisalu ukiuni 3-6-ini atornissaanut inissaminiittoq. Nukiit sukattaarnerini spirali hormonimik akulik iniminit nikissinnaavoq, ikkutereernerani iluaalliorneq qaangiutinngippat, nakorsaq imaluunniit peqqissaasoq erngertumik oqaloqatigiuk.

P-piller, hormonspiral imaluunniit p-stav? Sorleq toqqassaviuk?

Naartunaveersaatit suut ilinnut tulluarnersut takuniarlugu apeqqutit tallimat akikkit.

APEQQUTIT AKIKKIT

NAARTUNAVEERSAATIT ALLAT

Spirali hormonimik akulik ilinnuunngitsoq aalajangeruit, toqqagassat allat isumaliutersuutigisinnaavatit:

Spirali hormonimik akulik

Spirali hormonimik akulik plastikkiuvoq mikisoq T-tut isikkulik, ukiut 3-5-it tungaannut hormoninik gestageninik annikitsukkaarlugit aniatitsisartoq. Nakorsaatissanut allagartaqarluni pissarsiarineqartarpoq, nakorsamillu imaluunniit peqqissaasumit illissamut ikkunneqartarluni.

Periuseq takujuk

Spirali kanngussak

Spirali kanngussak plastikkiuvoq mikisoq T-tut isikkulik, kanngussammik allunaasartalik. Nakorsaatissanut allagartaqarluni tunniunneqartarpoq, kiisalu nakorsamit imaluunniit peqqissaasumit illissamut ikkunneqartarpoq, ukiunilu 5-10-t tungaannut naartunaveersaataasarluni.

Periuseq takujuk

Implanon

Silikone mikisoq qitulleraartoq ukiuni 3-5-it tungaannut hormoninik aniatitsisartoq. Nakorsaatissanut allagartaqarluni tunniunneqartarpoq, assaqqup iluatungaanut nakorsamit imaluunniit peqqissaasumit ikkunneqartarpoq.

Periuseq takujuk

P-kapuut qaammatini pingasuni atuuttoq

Kapuut hormonimik/hormoninik akulik, nakorsaatissanut allagartaqarluni tunniunneqartartoq, qaammatillu tamaasa imaluunniit qaammatit pingasukkaarlugit nakorsamit imaluunniit peqqissaasumit isumagineqartartoq.

Periuseq takujuk

Naartunaveersaatit assersuutikkit

KALAALLIT NUNAANNI NAARTUNAVEERSAATIT AKEQANNGILLAT

- NAARTUNAVEERSAATIT ATORSIGIT IMMISSINNULLU PAARALUSI

Nalunngiliut usuup puuinik atugassannik akeqanngitsumik, piffissamik inniminneeqqaarnak napparsimavimmut aalliinnariaallutit?

Usuup puuata saniatigut naartunaveersaateqarnissat pitsaassaaq. Kalaallit Nunaanni iluanaarputit naartunaveersaatit assigiinngitsut akeqanngitsumik pisinnaagakkit, ilinnut tulluartut toqqarsinnaallugit.

P-pillit ullut tamaasa iisassaapput. Eqqaamasinnaaneq ajorukkit imaluunniit ullut tamaasa iisisarnissat aporfigigukku, naartunaveersaatit attartuut toqqarsinnaavatit, assersuutigalugu hormonspirali imaluunniit p-stavi. Hormonspirali ukiunit pingasunit ukiut arfinillit tungaannut atasarpoq, apeqqutaalluni sorleq atornerit.

Naartunaveersaatit pillugit peqqissaasumik oqaloqateqarit, paasisaqarfiginiassavatit. Atoqatigiinneq nuannernerpaasarpoq, atoqatigeereeraanni kinguaassiutitigut nappaatit imaluunniit naartunissaq eqqarsaatigisussaanagu.