ULLUINNARNI ILIUUSERISARTAKKATIT UTEQQIATTUT QATSUP-PIGIT?

Arnarpassuit naartunaveersaatertik ullormut isumagisarun-naarusuppaat

Ullumikkut ullormut iliuuserisartakkagut... aalajangersimannginnerup-put. Ilaquttat, ikinngutit, suliffik, angalaneq kiisalu sunngiffitsinni sammisassarpassuit, ullut tamaasa ullunit siuliinit allaanerutissin-naasarpaat. Tupinnanngilaq arnarpassuit ullut tamaasa iisartakkamik naartunaveersaammik iisisarnissaq eqqaamajuminaatsissinnaasar-massuk, allarpassuarnilli toqqagassaqarpoq.

Ulluinnarni iliuuserisartakkat qanoq allanngortinneqarsinnaappat

Misigiguit ullut tamarluinnaasa iisartakkamik piffissami aalajangersi-masumi iisisarnissaq ilinnut piviusorsiortuunngitsoq, kisimiinngilatit. Periutsit allat illit inuuninnut tulluarnerulaarsinnaasut aaku.

Qaammammut

Nuvaring naartunaveersaataavoq qaammammut ataasiaannarlugu eqqaamaneqartussaq. Utsummut ikkunneqartarpoq, tassani hor-moninik aniatitsisarluni, sapaatullu akunneri sisamat qaangiukkaanga-ta nutaamik taarserneqartarpoq. P-kapuut qaammatini pingasuni atu-uttoq assigungajattumik periuseqarfiusarpoq – nakorsamit imaluunniit peqqissaasumit, qanoq ittuussusaa apeqqutaatillugu qaammatikkaar-tumik imaluunniit qaammatit pingasukkaartumik isumagineqartarpoq. Tassa taama ajornanngitsigaaq.

Akuttunerusumik

Ullormut, sapaatip akunneranut imaluunniit qaammatikkaartumik naar-tunaveersaatit iliuuseqarfigisarusunngikkukku, suli periarfissanik allan-ik toqqagassaqarputit. Spirali hormonimik akulik aamma implanon naartunaveersaataapput hormonitallit nakorsamit imaluunniit peqqissaasumit isumagineqartartut. Ikkunneqareerunik, ukiuni 3-5-ini atortarput. Spirali kanngussak suli sivisunerusumik atortarpoq. Naar-tunaveersaat hormonitaqanngitsoq ikkunneqareeruni ukiuni 5-8-ni atorsinnaavoq

P-piller, hormonspiral imaluunniit p-stav? Sorleq toqqassaviuk?

Naartunaveersaatit suut ilinnut tulluarnersut takuniarlugu apeqqutit tallimat akikkit.

APEQQUTIT AKIKKIT

NAARTUNAVEERSAATIT ALLAT

Naartunaveersaatigisartakkat qanittumi iluaqutaanngittoorsimappat, aaqarnissap kinguattoornerata ernumatissimappatit, imaluunniit maanna naartunaveersaatigisat inooriaatsinnut tulluanngippat, naartu-naveersaatit uku eqqarsaatigikkit:

Spirali hormonimik akulik

Spirali hormonimik akulik plastikkiuvoq mikisoq T-tut isikkulik, ukiut 3-5-it tungaannut hormoninik gestageninik annikitsukkaarlugit aniatitsisartoq. Nakorsaatissanut allagartaqarluni pissarsiarineqartarpoq, nakorsamillu imaluunniit peqqissaasumit illissamut ikkunneqartarluni.

Periuseq takujuk

Spirali kanngussak

Spirali kanngussak plastikkiuvoq mikisoq T-tut isikkulik, kanngussammik allunaasartalik. Nakorsaatissanut allagartaqarluni tunniunneqartarpoq, kiisalu nakorsamit imaluunniit peqqissaasumit illissamut ikkunneqartarpoq, ukiunilu 5-10-t tungaannut naartunaveersaataasarluni.

Periuseq takujuk

Implanon

Silikone mikisoq qitulleraartoq ukiuni 3-5-it tungaannut hormoninik aniatitsisartoq. Nakorsaatissanut allagartaqarluni tunniunneqartarpoq, assaqqup iluatungaanut nakorsamit imaluunniit peqqissaasumit ikkunneqartarpoq.

Periuseq takujuk

P-kapuut qaammatini pingasuni atuuttoq

Kapuut hormonimik/hormoninik akulik, nakorsaatissanut allagartaqarluni tunniunneqartartoq, qaammatillu tamaasa imaluunniit qaammatit pingasukkaarlugit nakorsamit imaluunniit peqqissaasumit isumagineqartartoq.

Periuseq takujuk

Naartunaveersaatit assersuutikkit

KALAALLIT NUNAANNI NAARTUNAVEERSAATIT AKEQANNGILLAT

- NAARTUNAVEERSAATIT ATORSIGIT IMMISSINNULLU PAARALUSI

Nalunngiliut usuup puuinik atugassannik akeqanngitsumik, piffissamik inniminneeqqaarnak napparsimavimmut aalliinnariaallutit?

Usuup puuata saniatigut naartunaveersaateqarnissat pitsaassaaq. Kalaallit Nunaanni iluanaarputit naartunaveersaatit assigiinngitsut akeqanngitsumik pisinnaagakkit, ilinnut tulluartut toqqarsinnaallugit.

P-pillit ullut tamaasa iisassaapput. Eqqaamasinnaaneq ajorukkit imaluunniit ullut tamaasa iisisarnissat aporfigigukku, naartunaveersaatit attartuut toqqarsinnaavatit, assersuutigalugu hormonspirali imaluunniit p-stavi. Hormonspirali ukiunit pingasunit ukiut arfinillit tungaannut atasarpoq, apeqqutaalluni sorleq atornerit.

Naartunaveersaatit pillugit peqqissaasumik oqaloqateqarit, paasisaqarfiginiassavatit. Atoqatigiinneq nuannernerpaasarpoq, atoqatigeereeraanni kinguaassiutitigut nappaatit imaluunniit naartunissaq eqqarsaatigisussaanagu.