USUUP PUUA ASERORPA? NUNARSUAQ QAALINNGILAQ

Ilaatigut pisut pilersaarut malillugu ingerlaneq ajorput

Amerlasoorpassuulluta usuup puuanik aserortoorluta misiginikuuarput, atuisup kukkuneratigut imaluunniit usuup puuata ajortumik sananeqarsimaneratigut. Naartunaveersaatip tamatuma ilisimaneqarluartup atorneqarluartartullu aserornera pakatsinaraluartoq, usuup puuata aserornerata kingunerisaanik naartulernissaq pinaveersaartinniarlugu suli iliuuseqarsinnaavutit.

Taava sussaanga?

Eqqissisimagit, naartunaveersaatinik suli periarfissaqarputit.

Ajornartoornermi naartunaveersaat: Iisartagaq

‘Aqaguani iisartagaq’ ilisimaneqarneratut, iisartagaavoq hormoninik akulik, usuup puuanik aserortoornermit 24 tiimit iluanni iisassaq. Naar-tulernissaq pinaveersaartissavaa, iineqakulanissaanulli naatsor-suussaanngilaq.

Ajornartoornermi naartunaveersaat: Spirali kanngussak

Spirali kanngussak (IUD) periarfissaavoq hormonitaqanngitsoq, aamma piffissami sivisuumi naartunaveersaatitut atorneqarsinnaasoq. Usuup puuanik aserortoornermit ullut tallimat iluanni ikkunneqaruni, naartulernissaq pinaveersaartissinnaavaa kiisalu ukiuni 5-8-ni atorneqarsinnaalluni.

Kinguaassiutitigut nappaatinut misissortinneq

Usuup puui naartunaveersaatitut kiisalu kinguaassiutitigut nappaatinut illersuutitut atugassiaapput, taamaattumik usuup puuanik aserortoor-simanermi isumassarsiatsialaassaaq illit atoqatigisallu kinguaas-siutitigut nappaatinut misissortinnissarsi.

P-piller, hormonspiral imaluunniit p-stav? Sorleq toqqassaviuk?

Naartunaveersaatit suut ilinnut tulluarnersut takuniarlugu apeqqutit tallimat akikkit.

APEQQUTIT AKIKKIT

NAARTUNAVEERSAATIT ALLAT

Taava sussaanga. Eqqissisimagit, naartunaveersaatinik suli periarfissaqarputit:

Spirali hormonimik akulik

Spirali hormonimik akulik plastikkiuvoq mikisoq T-tut isikkulik, ukiut 3-5-it tungaannut hormoninik gestageninik annikitsukkaarlugit aniatitsisartoq. Nakorsaatissanut allagartaqarluni pissarsiarineqartarpoq, nakorsamillu imaluunniit peqqissaasumit illissamut ikkunneqartarluni.

Periuseq takujuk

Spirali kanngussak

Spirali kanngussak plastikkiuvoq mikisoq T-tut isikkulik, kanngussammik allunaasartalik. Nakorsaatissanut allagartaqarluni tunniunneqartarpoq, kiisalu nakorsamit imaluunniit peqqissaasumit illissamut ikkunneqartarpoq, ukiunilu 5-10-t tungaannut naartunaveersaataasarluni.

Periuseq takujuk

Implanon

Silikone mikisoq qitulleraartoq ukiuni 3-5-it tungaannut hormoninik aniatitsisartoq. Nakorsaatissanut allagartaqarluni tunniunneqartarpoq, assaqqup iluatungaanut nakorsamit imaluunniit peqqissaasumit ikkunneqartarpoq.

Periuseq takujuk

P-kapuut qaammatini pingasuni atuuttoq

Kapuut hormonimik/hormoninik akulik, nakorsaatissanut allagartaqarluni tunniunneqartartoq, qaammatillu tamaasa imaluunniit qaammatit pingasukkaarlugit nakorsamit imaluunniit peqqissaasumit isumagineqartartoq.

Periuseq takujuk

Naartunaveersaatit assersuutikkit

KALAALLIT NUNAANNI NAARTUNAVEERSAATIT AKEQANNGILLAT

- NAARTUNAVEERSAATIT ATORSIGIT IMMISSINNULLU PAARALUSI

Nalunngiliut usuup puuinik atugassannik akeqanngitsumik, piffissamik inniminneeqqaarnak napparsimavimmut aalliinnariaallutit?

Usuup puuata saniatigut naartunaveersaateqarnissat pitsaassaaq. Kalaallit Nunaanni iluanaarputit naartunaveersaatit assigiinngitsut akeqanngitsumik pisinnaagakkit, ilinnut tulluartut toqqarsinnaallugit.

P-pillit ullut tamaasa iisassaapput. Eqqaamasinnaaneq ajorukkit imaluunniit ullut tamaasa iisisarnissat aporfigigukku, naartunaveersaatit attartuut toqqarsinnaavatit, assersuutigalugu hormonspirali imaluunniit p-stavi. Hormonspirali ukiunit pingasunit ukiut arfinillit tungaannut atasarpoq, apeqqutaalluni sorleq atornerit.

Naartunaveersaatit pillugit peqqissaasumik oqaloqateqarit, paasisaqarfiginiassavatit. Atoqatigiinneq nuannernerpaasarpoq, atoqatigeereeraanni kinguaassiutitigut nappaatit imaluunniit naartunissaq eqqarsaatigisussaanagu.