TUNUARNEQ
Ineqqissaarnermi pisarpoq.
IMMINUT AQUSSINNAASSUTSIMUT MISILITTAAT
Tunuarluni naartutitsinaveersaartarnermut atatillugu ilisimatusartoqarnikuunngilaq, immaqa qangarsuarli ullumikkut ilisimatusartarneq ilisimasarput nassaarineqanngikkallarmalli atorneqartarmat. Naartutitsinaveersaarnermi eqqortumik oqaatigalugu, angutip ininnginnermini usuni utsummit anillatsittarpaa. Imminut aqussinnaaneq tatigisinnaanerlu annertuumik piumasaqaataapput, taamaattumillu naartunaveersaatitut tatiginanngissinnaavoq. Imaattuaannanngilaq, anisooq tamarmi (anisuut mannissamik kinguaassiortitsisinnaasut) aatsaat angutip inernerani tissaluttartut, taamaattumik aamma ininngilaarnermini tunuarteraluarpalluunniit, arnap naartulernissaanut aarlerinaateqartuaannarpoq.
Tunuarterluni naartutitsinaveersaarneq angummut imminut aqussinnaanermik annertuumik piumasaqaateqarpoq, taassuma ilisimasussaavaa qaqugu inissanerluni, taamaasilluni inernissani kinguarteqqissinnaajunnaaruniuk amussagamiuk. Ininnginnermi peersat aniasut kinguaassisaatinik killilimmik annertussusilimmik imaqartarmata, nakorsavit naartunaveersaat una atussagit innersuussutigissanngikkaa ilimanarpoq.
SUNNIUT NALINGINNAASUMIK ATUINEQ
Tunuarterneq atorlugu naartunaveersaarneq atoreerukku utsukka asattorukkit, naartulernissamut aarlerinaat annikillisissinnaavara?
Atoqatigeereernermi utsuit asanneratigut imaluunniit kuutsitsiviginikkut naartulernissamut aarlerinaat annikillisissinnaanngilat. Isumassarsiatsialaavorli atoqatigeereernermi peersat timinnit asallugit peernissai.
Mannissama kaanngarnerani tunuarterluni naartunaveersaarneq aamma atorsinnaava?
Tunuarterluni naartutitsinaveersaarnerup sunniutaa annikitsuararsuummat, ullunilu mannissap kaanngarnerata siuliini kinguninnguinilu naartulersinnaaneq qaffasinnerpaaffissaminiimmat, piffissami tassani tunuarterluni naartunaveersaartitsinerup kisimiitillugu naartunaveersaatitut atorneqarnissaa innersuussutigineqanngilaq.
Atoqatigisara ininnginnermini tunuarteraluarpalluunniit naartulersinnaavunga?
Aap. Peersap kinguaassiassaata ataasiinnaap mannissaq kinguaassaqalersissinnaavaa, ilaatigullu ininnginnermi aamma peersap kinguaassiassaanik aniasoqartarpoq. Peersap kinguaassiassai aamma timip avataani 6 tiimit tungaanut uumasinnaapput, allatigullu utsummut pulasinnaallutik, taamaasillutik suli naartulersitsisinnaallutik.
Tunuarterluni naartutitsinaveersaarneq qanoq eqqortumik atorsinnaavarput?
Naartutitsinaveersaarneq eqqortumik atorniarlugu, angutip ininnginnermini usuni arnap utsuanit amussavaa, peersallu utsummut imaluunniit utsuit eqqaanut pinnginnissaa isumagissallugu. Peersap kinguaassiassaatai timip avataani 6 tiimit tungaanut uumasinnaapput, taamaattumik pingaaruteqarpoq isumagissallugu, piffissami tassani peersap utsunnut attuutinnginnissaa. Peersap kinguaassiassaatai ininngilaarnermi anisarmata, peersap utsunnut attuunnissaata pinaveersaartinnissaa ajornaatsuunngilaq, taamaasilluni tunuarterluni naartutitsinaveersaarneq naartunaveersaat tatiginarnerpaanngilaq.
Ininnginnermi peersamik anisumik naartulersinnaavunga?
Taamaassinnaavoq, ininnginnermi peersat anisut kinguaassiassanik imaqarmata, tassa peersap kinguaassiassaatai mannissamik kinguaassaqalertitsisinnaasut.
SIUNNERSORNEQARNISSAQ PISARIAQARTIPPIUK?
Peqqissaanermik suliaqartoq oqaloqatigiuk
PAASISARIAQAKKATIT
6%
Arnat aappallit procentii, tunuarterluni naartutitsinaveersaarnermik naartunaveersaarnertut pingaarnertut atuisut.
1 peersap kinguaassiassaa
Mannissaq kinguaassaqalertinniarlugu taamaallaat peersap kinguaassiassaa 1 pisariaqarpoq.
6 tiimit
Peersap kinguaassiassaata timip avataani uumasinnaassusaa.
- Hormoninik akoqanngilaq, arnanullu hormoninut atatillugu saniatigut kissaatiginngisanik sunnerneqartartunut periarfissaalluni.
- Milutsitsinermi atorneqarsinnaavoq.
- Naartunaveersaat nakorsamik akulerutsitsinngitsoq.
- Naartunaveersaat sunniuteqarluassappat, piumasaqaataavoq angutip piffissamik eqquilluarsinnaanissaa, tamannalu aarlerinaateqarsinnaavoq.
- Atoqatigiinnermik unitsitsisarpoq.
- HIV/AIDS-imut imaluunniit kinguaassiutitigut nappaatinut allanut illersuinngilaq.
KALAALLIT NUNAANNI NAARTUNAVEERSAATIT AKEQANNGILLAT
- NAARTUNAVEERSAATIT ATORSIGIT IMMISSINNULLU PAARALUSI
Nalunngiliut usuup puuinik atugassannik akeqanngitsumik, piffissamik inniminneeqqaarnak napparsimavimmut aalliinnariaallutit?
Usuup puuata saniatigut naartunaveersaateqarnissat pitsaassaaq. Kalaallit Nunaanni iluanaarputit naartunaveersaatit assigiinngitsut akeqanngitsumik pisinnaagakkit, ilinnut tulluartut toqqarsinnaallugit.
P-pillit ullut tamaasa iisassaapput. Eqqaamasinnaaneq ajorukkit imaluunniit ullut tamaasa iisisarnissat aporfigigukku, naartunaveersaatit attartuut toqqarsinnaavatit, assersuutigalugu hormonspirali imaluunniit p-stavi. Hormonspirali ukiunit pingasunit ukiut arfinillit tungaannut atasarpoq, apeqqutaalluni sorleq atornerit.
Naartunaveersaatit pillugit peqqissaasumik oqaloqateqarit, paasisaqarfiginiassavatit. Atoqatigiinneq nuannernerpaasarpoq, atoqatigeereeraanni kinguaassiutitigut nappaatit imaluunniit naartunissaq eqqarsaatigisussaanagu.
