Klaus-itut iliorit – Ammasumik eqqartukkit immissinnullu ikiorlusi

2021-11-16

Taamani Klaus atoqateqaqqaartalerami imminut allallu paarissallugit siullertut eqqarsaatigisarsimanngilaa. Nappaatipalaat pillugit ilisimasaqarsimanngilaq, taamaattumik tupaallaatigerujussuarsimavaa nappaammik tunillatsissimalluni paasitinneqarami.

All
4 personlige fortællinger
Girl Talk

Videos filtered by:

Paninnguaq "Uanga nammineq peersitsinikuuvunga”

2021-11-16

Misigissutsit initoorujussuupput naartuersitsilernermi. Kisianni Paninnguup nalusimanngilaa eqqortumik iliorluni, naartuersinnikkut. Amerlasuunut kiserliorneq misigineqarsinnaavoq, soorlu kisimi taamannak misigaluni. Eqqartueqatigiinnermi piffissami artornartumi immitsinnut tapersersoqatigiissinnaavugut

KIM ”Ataatanngulerputit”

2021-11-16

Upperiuminaappoq tassanngaannaq angajoqqaanngussalluni. Ingammik piareersimanngikkaanni. Kim assut tupaallaatigaa paatsiveerusimaassutigalugulu paasitinneqarami meeqqamut angajoqqaanngoriasaassalluni. Nalusimavaa qanoq iliussanerluni. Misigissuseq Kim-mut assut initungaatsiarsimasoq.

Video Categories (field_video_categories)

Videos filtered by:

TOQQAGASSAT ILISIMAKKIT

Spirali hormonimik akulik (IUS)

Spirali hormonimik akulik plastikkiuvoq mikisoq T-tut isikkulik, ukiut 3-6-it tungaannut hormoninik gestageninik annikitsukkaarlugit aniatitsisartoq. Nakorsaatissanut allagartaqarluni pissarsiarineqartarpoq, nakorsamillu imaluunniit peqqissaasumit illissamut ikkunneqartarluni.

Arnanut usuup puua

Usuup puua ilumut ikkuttagaq, utsuup iluani inissisimagaluarluni angutinut usuup puua assigalugu atuuttarpoq. Nammineq isumagisassaavoq nakorsaatissanullu allagartaqaqqaarnani pisiarineqarsinnaalluni.

Spirali kanngussak (IUD)

Spirali kanngussak plastikkiuvoq mikisoq T-tut isikkulik, kanngussammik allunaasartalik. Nakorsaatissanut allagartaqarluni tunniunneqartarpoq, kiisalu nakorsamit imaluunniit peqqissaasumit illissamut ikkunneqartarpoq, ukiunilu 5-8-t tungaannut naartunaveersaataasarluni.

Implanon

Silikone mikisoq qitulleraartoq ukiuni 3-it tungaannut hormoninik aniatitsisartoq. Nakorsaatissanut allagartaqarluni tunniunneqartarpoq, assaqqup iluatungaanut nakorsamit imaluunniit peqqissaasumit ikkunneqartarpoq.

P-kapuut qaammatini pingasuni atuuttoq

Kapuut hormonimik/hormoninik akulik, nakorsaatissanut allagartaqarluni tunniunneqartartoq, qaammatillu tamaasa imaluunniit qaammatit pingasukkaarlugit nakorsamit imaluunniit peqqissaasumit isumagineqartartoq.

Nuvaring

Nuvaring mikisuuvoq peqikkuminartoq, nakorsaatissanut allagartaqarluni pineqartarpoq namminerlu ilumut ikkunneqartarluni, tassani sapaatit akunneri pingasut hormoninik aniatitsisarpoq.

Iisartakkat naartunaveersaatit

Iisartagaaraq hormonimik ataatsimik akulik, imaluunniit iisartagaq katigutaq hormoninik marlunnik akulik, nakorsaatissanut allagartaqarluni pissarsiarisartagaq, namminerlu nakkutigineqartartoq, ullullu tamaasa piffissami aalajangersimasumi iineqartartussaq.

Pessari

Silikone qaarajuttutut isikkulik utsummut ikkunneqartartoq, taamaasillunilu peersat illissamut apuunnissaannik pinaveersaartitsisuulluni. Ilaat nakorsamit imaluunniit peqqissaasumit ikkunneqartaraluartut, amerlanerpaat nammineq ikkunneqartarput nakorsaatissanut allagartaqarluni pissarsiarineqartarlutik, kiisalu atoqatigiinnginnermi 24 tiimit sioqqullugit ikkunneqarsinnaallutik.

Usuup puua

Usuup puua usummut tissaqqasumut atitinneqartarpoq, peersap utsummut pinissaa igalassimasarlugu, naartunaveersaatinittaaq kisiartaalluni kinguaassiutitigut nappaatinut illersuutaalluni. Nammineq isumagisassaavoq nakorsaatissanullu allagartaqaqqaarnani pisiarineqarsinnaalluni.

Tunuarneq

Aamma ‘iluanut inernani naartunaveersaarnertut’ taaneqartartoq, naartutitsinaveersaarnermi tamatumani nammineq aqunneqartumi, naartutitsinissaq pinaveersaartinniarlugu anisuunnginnermi usuk amuneqartarpoq.

Nammineerluni naartunaveer-saarneq

Nammineerluni naartunaveersaarneq nammineq aqunneqartoq, tassani ilaallutik ullut naartulersinnaaffiit paasiniarlugit aaqartarnermik nakkutiginninneq aamma timip kissarneranik nakkutiginnittarneq.

Angummik kinguaas-siorsinnaajunnaarsitsineq

Peersap aqqutaanik qilertilluni suliaritinneq, nakorsamit imaluunniit peqqissaasumit suliarineqartartoq.

Arnamik kinguaassiorsinnaajunnaarsitsineq

Naartusinnaajunnaarsinneqarluni mannissap aqqutaanik qilertilluni suliaritinneq, nakorsamit imaluunniit peqqissaasumit suliarineqartartoq.

Naartunaveersaatit assersuutikkit

Klaus-itut iliorit – Ammasumik eqqartukkit immissinnullu ikiorlusi