Misilittakkatigut eqqarsaatigalugu naartunaveersaatinik naartuersereernermi atorsinnaanngitsunik peqanngilaq. Naartunaveersaat pitsaanerpaaq tassaavoq, illit pisariaqartitannut kissaatinnullu tulluarnerpaaq. 
Isumaliutersuutinni ilanngunnissaanut pitsaasut:
Piffissami sivisuumi naartunaveersaateqarnissaq kissaatigaajuk?
Aaqartarnerit annikillisikkusuppiuk?
Naartunaveersaatit hormonitallit ilinnoortuuppat? 

Naartuerseqqammersimaguit, anguniakkat pingaarneq tassaasimassaaq naartuleqqinnissap pinaveersaartinnissaa, taamaattumillu pingaaruteqarpoq isumaliutersuutigissallugu, naartunaveersaatit ataasiakkaat qanoq sunniuteqartarnersut.

Naartunaveersaatit piffissami sivisuumi atorneqartartut soorlu assersuutigalugu spirali hormonimik akulik, spirali kanngussak aamma implanon naartunaveersaataapput sunniuteqarluartut, taakku puigorneqarsinnaannginnamik. Naartunaveersaatit sivikinnerusumik sunniuteqartartut, naartulinnginnissamut illersuinerat annikinnerusinnaavoq, taakkunani piumasaqaataammat aalajangersimasumik pissutsinut pikkorinnissat. Iisartagaq naartunaveersaat ullut tamaasa eqqaamasartussaavat. Assersuutigalugu iisartakkat naartunaveersaatit sunniutaat ’kukkuneqanngitsumik’ atornerinit 99%-imit nalinginnaasumik atuinermi 91%-imut appariartarpoq.

Aamma pingaarutqarpoq, periutsimik illit inuuninnut pilersaarutinnullu tulluartumik nassaarnissat. Siunissami immaqa naartulernissat kissatigigukku, periutsimik uterteqqinneqarsinnaasumik toqqaaguit ataavartumik, ass. qilertinnermik toqqaanermit ajunnginnerussaaq.

Naartunaveersaatinut ataasiakkaanut atatillugu naartunaveersaatinik sanillersuineq una (https://www.xn--minprvention-bdb.dk/hvad-er-min-praeventionsmetode) agguaqatigiissillugu sunniutinik/isumannaassutsimik takutitsivoq.

Naartunaveersaat sorleq ilinnut tulluarnerunersoq nalornigigukku, naartunaveersaatit pillugit quiz una naatsunnguaq atorlugu misissorsinnaavat (https://www.xn--minprvention-bdb.dk/hvad-er-min-praeventionsmetode) kiisalu naartunaveersaat sorleq illit inuuninnut tulluarnerussanersoq aamma ilinnut illersuutaalluarnerpaassanersoq pillugu nakorsat oqaloqatigisinnaavat.

Imminut paaralutit. 
Alle os hos #MINPRÆVENTION