NAARTUNAVEERSAAT SORLEQ SUNNIUTEQARLUARNERPAAVA?
ILLERSORNISSAQ PINGAARNERPAAVOQ
Ok, naartunaveersaammik nutaamik ujaasivutit. Naartunaveersaaterpassuit niuerfimmiittut ujaasiffiginissaat, naartunaveersaallu sorleq illit inuuninnut tulluarnerpaaq illersuinerpaasussarlu toqqarnissaa ajornarsinnaavoq.
Maannakkorpiaq meerartaarnissaq kissaatiginngikkukku, pingaaruteqarpoq, ’kukkuneqanngitsumik’ aamma ’nalinginnaasumik’ atuinerup assigiinngissutaasa ilisimanissaat – kisitsisit taakku marluk takutippaat, naartunaveersaatit assigiinngitsut atornerini qanoq isumannaatsiginersut.
(Matuma aamma nassuiarsinnaava, sooq ilaatigut iisartakkat naartunaveersaatit isumannaassusaat 99%-itut aamma 91%-itut isumannaatigisarnersut tusartarit...)
Kukkuneqanngitsumik atuinerup sunniutai nakorsaaserinermi misissuinermik tunngaveqarput, taakku avatangiisini nakkutigisaasuni atuuttut, inuinnaat kukkussutigisinnaasaat eqqarsaatigineqaratik.
Nalinginnaasumik atuinerup sunniutai piviusumik inuunermi tunngaveqarput, tassani ulluinnarni pisut eqqarsaatigineqarlutik, soorlu ass. napparsimaneq, sinnartoorneq, angalaneq il.il. Nalinginnaasumik atuinermi kisitsisit piviusorsiorpalaarnerpaapput, pisarnermik sukangalluinnartumik aalajangersimaqqissaartumik malinnaasinnaanngikkuit.
Nalinginnaasumik oqartoqarsinnaavoq, naartunaveersaat atajuarneruppat, sunniuteqarnrussaaq.
Qilertinneq naartunaveersaataavoq sunniuteqarnerpaaq (99 %+) – kisianni aamma uterteqqinneqarsinnaanngilaq.
Naartunaveersaatit piffissami sivisuumi atuuttartut sivisuumik sunniuteqartarput nakorsanillu tunniunneqartarlutik, taamaasillutik taakku inuinnaat kukkunissaannut aarlerinaateqarnerat annikinneruvoq. Naartunaveersaatinut taakkununnga ilaapput spirali hormonimik akulik (99 %), spirali kanngussak (99 %) aamma implanon (99 %). Naartunaveersaatit taakku tamakkiisumik uterteqqinneqarsinnaapput; taamaattumik qaqugukkulluunniit naartorusulissagaluaruit, peersittuaannarsinnaavatit.
Naartunaveersaatit ullut tamaasa, sapaatip akunneranut imaluunniit atoqatigiilernermi iliuuseqarnissamut pisariaqartitsiffiusut, ’kukkuneqanngitsumik’ aamma ’nalinginnaasumik’ atuinermut kisitsisit akornanni assigiinngisitaartoqarneruvoq. Atuisumit piumasaqaateqarnerusoqartarmat, naartunaveersaatit taakku nalinginnaasumik atuinermi nalinginnaasumik kisitsisinik appasinnerusunik takutitsiffiusarput.
Naartunaveersaammik toqqaaniaraanni, eqqarsaatigissallugu pitsaasuuvoq qanoq malinnaalluarsinnaatigineq, naartunaveersaatinut tamanna sunniuteqartarmat.
Aallartiffissatsialaavoq naartunaveersaatit uani sanilliutissallugit (https://www.xn--minprvention-bdb.dk/hvad-er-min-praeventionsmetode) periutsit assigiinngitsut eqqarsaatigalugit nalinginnaasumik atuinermi isumannaassuseq takuniarlugu.
Naartunaveersaatinut quiz-ip uuma (https://www.xn--minprvention-bdb.dk/hvad-er-min-praeventionsmetode) aamma illit nakorsallu aallaavilersissinnaavaasi ilinnut suup tulluarneruneranik oqaloqatigiinnissassinnut.
Qujanaq, ingerlaninnut peqataasinnaagatta.
Inussiarnersumik inuulluaqqusilluta
#MINPRÆVENTION
